უკან დაბრუნება
განცხადებები
გურს გოუჩა მინშა*
15-12-2016, 07:53
ნანახია: 1146
გაუზიარე სტატია მეგობარს


გურს გოუჩა მინშა,
მუჭო ვა ნკობრჩქინდე,
ულა მოკო მარა,
ვემაფურინ ჩქიმდე.
შური მანწყუაფუ,
გური გუმანკირუ,
ჩხე ღორონთიშ ქართა
ტანსუ გუმაკირუ.
მივაწყორუქ ირფელც,
ტორონჯის დო ხვილარს,
აფანია ლერსის,
ფაჭაჭ ფიჩალ ქვირას.
მიშაბტიბუქ ბჟასუ,
მიშვაჸინუქ ხილას,
გური კილერ მაფუ,
მარა იბტე კილას.
ღურუ ჩქიმო ვარე,
ვარა მუქუ პილას.
ქომწით, ათე ბორჯიქ,
სოლე დინმოხვილას.?!
შური ვექალე დო,
ყინტი ვეკიღინე.
ოშ მეშარე მეურც
აკა ვემკიჯინე.
ნინას ვოგურუა,
სამარგალოშ კვინჩას,
გუაკირუქ ორთას,
ირ ბინეხ დო ირ ჯას.
ატატია ცასუ
ათე თუთაშ ლინჯის,
დუსჷ მოუნწყუნქ დო
ქუძირუა ქვინჯის.
გურს გოუჩა მინშა,
მუჭო ვა ნკობრჩქინდე,
ულა მოკო მარა,
ვემაფურინ ჩქიმდე. скачать шаблон для dle скачать бесплатно фильмы

დააფიქსირეთ თქვენი აზრი