*ღმერთმა იცის
ღმერთმა იცის სიყვარული,
ის კლავს ადამიანებს,
რათა იპოვოს საბოლოოდ ისინი.
ჩვენ ჩვენს ნაწყვეტებს
მოლოდინში ვესაუბრებით.
მშიერ მიწას ვერ ანაყრებენ ცხედრები,
წისქვილის ქვაზე მძიმეა ხორცი...
იმქვეყნიდან მოწერილი რამდენი წერილი
დაიკარგა გზაში,
ხან ხილვა ერქვა, ხან სიზმარი,
ხანაც უეცარი გაელვება,
არსაიდან რომ ელოდი.
ციცინათელა კვირტს დააფრინდა
და უკანასკნელი ღიმილი გაუკრთა სამყაროს.
იდგა კაცი და ფიქრობდა,
ეს პირველად იყო, პირველად ნახა.
ჩიტად მოხვალ თუ სულაც
თოფის ლულიდან გადმოსული
ტყვია იქნები,-
ღმერთი სიყვარულია.
ის კლავს ადამიანებს,
რათა იპოვოს საბოლოოდ ისინი.
ჩვენ ჩვენს ნაწყვეტებს
მოლოდინში ვესაუბრებით.
მშიერ მიწას ვერ ანაყრებენ ცხედრები,
წისქვილის ქვაზე მძიმეა ხორცი...
იმქვეყნიდან მოწერილი რამდენი წერილი
დაიკარგა გზაში,
ხან ხილვა ერქვა, ხან სიზმარი,
ხანაც უეცარი გაელვება,
არსაიდან რომ ელოდი.
ციცინათელა კვირტს დააფრინდა
და უკანასკნელი ღიმილი გაუკრთა სამყაროს.
იდგა კაცი და ფიქრობდა,
ეს პირველად იყო, პირველად ნახა.
ჩიტად მოხვალ თუ სულაც
თოფის ლულიდან გადმოსული
ტყვია იქნები,-
ღმერთი სიყვარულია.
დააფიქსირეთ თქვენი აზრი