უკან დაბრუნება
განცხადებები
თე ჩქინი რინ
6-09-2016, 21:39
ნანახია: 1035
გაუზიარე სტატია მეგობარს


თე ჩქინ რინა ვაღირ ნარღშა,
მარა თესუ მი თქუანცუ?
ამდღა შურო ქოჸინუნც-და,
ჭუმან გვალო მითუანცუ.

თე სოფელი ართ წამი რე,
თიშ თება თოლც აწომირე,
ჩქინ წვალება ვაღირ თიშა -
გიწოილე ვარ აწომილე.

შურ წკონდა დო ჯგამუშელი
ბოლოს არძას მეუღ თავრე,
სკან ნახანდა, ნამუშერი,
თოლიშ მერქას მედინაფე.

ანწი ვარა ქიგებგათუ
თე ქიანაშ ერთი-მორთი,
დო თაქ მითინქ ვათქუასუ,
მუ მოკოდ დო მუშა მობრთი.

სანძღოთ ირო აშათხოზუ,
ღორონთიში სინთე, ორო,
მაზაკვალეფ ქაშაქოსუ,
მეჸუნცუ დო მეურც ხოლო.

დოსკიდუნ ფერ მითინ ვარე,
ცოდა არძას ხუც ეკაბუ,
წკვარამიას ხვათახვალე
მინ გიშმურც დო მინქ ვეკაგუ.

არძა თავრე ულირეფი,
თი ქიანას მიჸონუნა.
იალონშე მუმულეფი
ჯვეშებურო ჸიონუნა! скачать шаблон для dle скачать бесплатно фильмы

დააფიქსირეთ თქვენი აზრი