ოდაბადე,
ოდაბადე,
ღორონთქ ირო დარინუუ
სქან ჯგირიში მორაგადე!..
ახალ წანა,
ახალ წანა,
ვაშმოტუა ნახვაწა მა!
მიძინი: ჰამო-ბჟაშა,
ჩელაია დღაშა...
სკუალეფშა, მოთალებშა —
ბოშიშა დო ძღაბშა...
დაშა... ჯიმაშა —
ნანაშ გუნარჩქინაშა...
სინჯაშა დო ნოსაშა,
ჭიჭელეფით გოფშაშა.
ორქო-ვარჩხილი —
ოზეს ფაჩილი,
ასაგასაშ სინთელე,
ვართი — ჭუა!..
ჩქიმი არძა მოჯგირესS
მესიაკონიშ ჭკუა!
ოდაბადე,
ოდაბადე,
ბრელ მაფ სქანდა
ორაგადე!
ახალ წანა,
ახალ წანა,
კინე მოკო რხვამენი...
ბედინერ სქან მოზოჯუა!
ჰამენი!..
ჰამენი!.. скачать шаблон для dle скачать бесплатно фильмы