ხობწყარს კიდირი დოშინაფუ
ხობწყარს კიდირი დოშინაფუ,
გიანტირენი მერეხანს,
ცა გვალეფიში პუხახუს
ჸინით გაგმაჩერეხანს.
დაფის ხუტოლაფირი წყი
ტკიბირიცალო კანკალანს,
ბჟა ხუ დო გვერდი მურიცხის
გურშა მუნმიკაკალანს.
ზესკვი ტყარი ხვიმას მიკიცვანგ,
ზოთონს მუ უჯგუ გემუანს..
დამონჭვებული ხულიში ჯინს
ტორონჯი გინმიჭვემუანს.
სოფელი ონტკას მეუჯან,
ხუთოშიანს ოლუანს,
თოფურსუ მონატრებული თუნთი
ბირცხეფს უწირწოლუანს.
განთხი დო კილეს ვუმარდქ,
ვავონდურუქუ ასაკის,
შურო ქმკმარჩქილეთდა
გეჩიებუთუ ფარსაკის.
მოგოთანეს მაჸალეფი
ნადირუას მნირზენდით,
ერცქემს ტყვია ქეკუოგრეში,
ნაკიდირა იმენდით.
კიდირიში ძვალი გოწკირუდუ,
ჭყოლირი გურიში რაბადით,
კარეში ყებურსუ ელუოხეთ
მწვადიში წკირი დო ნაბადით.
მენძელი ნანატრი კოჩი მიუნსუ,
ბოლო ლუკმას ვაჩუანს,
ბჟა მანტუნიფერი ელარჯის
ჸვალით ეთმუფაჩუანს.
ღუმუ ლანჭაში ჸას ელაძღირკ,
ხეშისკიბუთუ ოფუ ჭიფას ქილი,
ჯიკის ორკოლი მუნოჸონ,
ღვინით მოსრთინაფილი.
თოფი კვათარას ყარულენს,
ცხენი იდიარს შარაპის,
ჯოღორი ხოლო ნდომულენს
გოთანაშა შარაფის.
კილეს ფართას გობშალნთ,
ყანწეფს ქმიბრქინუანთ,
ცოცხალს ქუადღეგრძელენთ,
ულირს ქიმიბშინიუანთ.
ხობწყარს კიდირი დოშინაფუ,
გიანტირენი მერეხანს,
ცა გვალეფიში პუხა ხუს
ჸინით გაგმაჩერეხანს.
გიანტირენი მერეხანს,
ცა გვალეფიში პუხახუს
ჸინით გაგმაჩერეხანს.
დაფის ხუტოლაფირი წყი
ტკიბირიცალო კანკალანს,
ბჟა ხუ დო გვერდი მურიცხის
გურშა მუნმიკაკალანს.
ზესკვი ტყარი ხვიმას მიკიცვანგ,
ზოთონს მუ უჯგუ გემუანს..
დამონჭვებული ხულიში ჯინს
ტორონჯი გინმიჭვემუანს.
სოფელი ონტკას მეუჯან,
ხუთოშიანს ოლუანს,
თოფურსუ მონატრებული თუნთი
ბირცხეფს უწირწოლუანს.
განთხი დო კილეს ვუმარდქ,
ვავონდურუქუ ასაკის,
შურო ქმკმარჩქილეთდა
გეჩიებუთუ ფარსაკის.
მოგოთანეს მაჸალეფი
ნადირუას მნირზენდით,
ერცქემს ტყვია ქეკუოგრეში,
ნაკიდირა იმენდით.
კიდირიში ძვალი გოწკირუდუ,
ჭყოლირი გურიში რაბადით,
კარეში ყებურსუ ელუოხეთ
მწვადიში წკირი დო ნაბადით.
მენძელი ნანატრი კოჩი მიუნსუ,
ბოლო ლუკმას ვაჩუანს,
ბჟა მანტუნიფერი ელარჯის
ჸვალით ეთმუფაჩუანს.
ღუმუ ლანჭაში ჸას ელაძღირკ,
ხეშისკიბუთუ ოფუ ჭიფას ქილი,
ჯიკის ორკოლი მუნოჸონ,
ღვინით მოსრთინაფილი.
თოფი კვათარას ყარულენს,
ცხენი იდიარს შარაპის,
ჯოღორი ხოლო ნდომულენს
გოთანაშა შარაფის.
კილეს ფართას გობშალნთ,
ყანწეფს ქმიბრქინუანთ,
ცოცხალს ქუადღეგრძელენთ,
ულირს ქიმიბშინიუანთ.
ხობწყარს კიდირი დოშინაფუ,
გიანტირენი მერეხანს,
ცა გვალეფიში პუხა ხუს
ჸინით გაგმაჩერეხანს.
დააფიქსირეთ თქვენი აზრი