1971 წელი, ჯუმითი...

***
ხვალ აყვავდება იის ლირიკა,
უფერულ დღეებს ჭიკჭიკი აწევს,
დაეკიდება მზის სხივის ხოტბა
კვლავდაბადების შეფაკლულ ღაწვზე.

8.02. 2017 წელი, ჩხოროწყუ

***

წასვლის ნაბიჯი არწასვლას ფიქრობს,
და გაღმა, სადღაც აზრის მთის იქით
სიყრმის კოცონზე სიბერეს ვიქრობ
ვაზის ნაჟურის გრძნეული ჭიქით.

8. 02. 2017 წელი, ჩხოროწყუ

***

ცელს ერთხელ იქნევს სიკვდილის მკლავი,
მიმოვიკეტავ კარებს და ვიცდი,
გამოიმეტებს ნავალის კვალი
ეპიტაფიას სიცოცხლის ქვისთვის?

8. 02. 2017 წელი, ჩხოროწყუ