სონი თუთა დო სონი ბჟა,
სონ ჭკვაჭკვია მურიცხეფი,
ჩქიმ დღაშიში მაინჯე რე,
ქეკვოდინი ურიცხვეთუ.
ექ ივალ, აქ ტყვაცუნსუ,
ირო ინოთიკინი რე,
გურსუ ხამი ვაკმობიჯა,
თიშ უმუშოთ დიკინინე.
უწკონდაში ყვაშჭარასუ
გაგშუჭყაფუ გოხომაფა,
ირი მიძიძიკუანს,
ზოხო ნგერი, ზოხო მაფა.
გეცუმილი დოფაცალო
აკმიფაჩუ ჩქიმი გური.
მინ თოლონჭე მაღორენს,
მინ პუხუ დო მინ ბირგული.
ოშა-გოშათ გაქშაფხორცქი,
ანწი ვამმორე შურხე ჭარა,
კინე დურღენს გოუნჭალუ
მუთი მაფუდუნი გუშნაჭვარა.