უკან დაბრუნება
განცხადებები
ოხვამერი
13-02-2017, 07:10
ნანახია: 1010
გაუზიარე სტატია მეგობარს


ბაბაგე დო ჯიმაგეფი,
მისუთი ოწანაფე რწანა,
სქანსანთელოთ რყოფუდანი
ამარ მუნნაულა წანა...
დღას ვამორლასუდანი,
მახვამერი დო მაკუჩხური,
მორღვათ ქორჭყოლოფუდანი
მაკე თხალეფი, მაკე შხური.
ჭუჭული დო დუიეფი,
ქიმინელ თქვან მუმულიში,
მულა ქორჭარაფუდანი
ბრელხანიში უმულიში.
რყუნდანი ანდა ჩქიჩქუეფეფი,
მოთაშ მოთაშ მოთალეფი,
დღასუ ვეგერშქირატუდანი
სახიოლო გოთანეფი.
გერგეზჯგუა ქომოლეფი,
ცირეფი, ტატალიში პირი,
ოსოგოთეთ ქოფედას
თქვანი ნაჩია, გილნაბირი.
უკურღვაფუ ფანიეფი,
ნათესეფი ბრელშე ბრელი,
შიოშ მარანცალო გოფშა
ირკოჩი დო ირიფელი.
ქიანა აკოზგუმონჯილი,
შურ ართიანს მეწირხელი,
უკახალე დორთინელი
სქან ყუდეში მაჭირხოლი.
ანწი ვამოწყინდათუნი,
ბრელს ვაბთქუა ურგებელს,
ხოლო მოკო თქვანი ხვამა
ზიტყვა ნინას გელაფენს.
ფიფრქენქ, ქიმემხვადუთუნი,
ჯვეშის უტენქ ჭყალასუნი,
თქვან ხიოლშო მუწუვორღვა
ჩქიმ რინი დო ჭყანასუნი.
თქვანო ჯგირიშ მაკორინექ
ნერჩიშ ნერჩით ქოფუას,
მათ თქვანწკუმა თე ღორონქ
რინა ქომჭყოლოფუას.


14. 01. 2017 ჩქნობურა ახალ წანა.ქართი.
ირკოჩ ართო ხვამელ ორდათ, გორტიბინაფუდანი ღორონთიში მარდი

скачать шаблон для dle скачать бесплатно фильмы

დააფიქსირეთ თქვენი აზრი