ქოიჩქუნა არძას: ონჯღორე დო სახელი
წორო გილაზოჯუნს, მარა ართო ვახენი,
ჩიტის ვაფურინე სუა ქალატახენი,
ჰამოში ოზადალო ვეგმირინე ჭვახენი.
ნტერ ანდანერი პუნდეს, ჭკვერით დო ყინჩით,
უმოსო ფხალუნდეს ჩქინი გილაღინჩინი,
სოიშსახ ებჭყორდუთუნი სვენაშა არზი მიჩით:
მარგალურო ზოჯით, მარგალურო იჩით...
ჩუანს ვენიბშირათ, შარა წიმი კიჩით,
ორღვაფალი ორღვით, ოშიბელი იშით,
დუდ ირო მორჩქუდანი აიეტიშ ჯიშით:
მარგალურო ზოჯით, მარგალურო იჩით.
ამდღარიშა მუჭო მობზოჯით დო მიშით,
ჭკადუა-ხონუათ, ძაფით დო ლიშით,
ელაფირი ნტერშა შურწყორილო მიბშით:
მარგალურო ზოჯით, მარგალურო იჩით.
იბხვამანდით თუთას თანთალია ხოჯით,
ორანით ვორდით წმინდა გიორგიშით:
მარგალურო იჩით, მარგალურო ზოჯით;
მარგალურო ზოჯით, მარგალურო იჩით!
ნუმ იონჯღორუანთ, მარგალური რე კვანთირი,
შუმერეფიში ბორჯშათ ნაღელუ დო ნანთირ.
შარას ვადოკოლად ვართ ყინი დო ვართ თირი,
ამდღარიშა ვორეთ თიშ ჰამოთ ხართელი.
გურეფი გოზგუმონჯით, ოსქვანს კილე კილეს,
მობურჭულერი ნტერშe ჯვეშემქ ვეკნიკინეს,
თინეფიში უღუქ მუშენ ვამაღინეს,
ჟინ ანთარიშ მარდიქ მუშენი ვამაგინეს.
მუდგია მენწყერი რდასუნი შარა წიმე კიჩით;
დუდ ირო მორჩქუდანი აიეტიშ ჯიშით:
მასრგალურო ზოჯით, მარგალურო იჩით...
მარგალურო ზოჯით... მარგალურო იჩით.
12.02. 2017 წელი