გაქშამირთ დო გეშეფხვეხვი
ინონკორილქ ლურენჯი სერს,
გოღანერიშ გოსაშინე
ამდღარ გურსუ ინომცენს.
შურმორღია ცა იჭკვეჭკვუ
მურიცხეფიში ნაულათუ,
თოლქ ღორონთშა ქაჯღონ ხვეწა,,
ის თეშ ხოლო ვაგულანტუ.
ეშე ხვამას ეშვოჯღონა,
უკოხოლე ჭყალათ მართუ,
რინა, რინა უგამაგე
რე უქვინჯე ზღუში მართუ.
ძვალ დო რბილს მიკინტკვერანს,
შურს სქიბუსუ ართუანს,
ეშე ხოლო ველაჯინე
დიხაშ ცათ მართუალს.
უვაიჭარექ მუ ბქიმინა,
მუჭო იფრხვა თოლიშ ონჭე,
უშქურიშ ჯინს გუთვოძუქუ,
ვართი კობუ დო ვართი მონჭა.
ჭუმანი ზისხირი გეშაფშანს
შურიშ უნძე ლახარასუ,
გორჩქინათ გოჭყვადილსუ
მიქ მუ ოკო მახარასუ.

16 გუმუათუთა, 2016 წანა. ჯუმითი скачать шаблон для dle скачать бесплатно фильмы