სოფელი დასავლეთ საქართველოში, სამეგრელო-ზემო სვანეთის მხარის ხობის მუნიციპალიტეტში, ყულევის სოფლის შემადგენლობაში. მდებარეობს ოდიშის დაბლობზე, მდინარე ხობის შესართავთან, შავი ზღვის ნაპირას.ზღვის დონიდან 2 მეტრ სიმაღლეზე. ქალაქ ხობიდან დაშორებულია 18 კილომეტრით. 2002 წლის აღწერის მონაცემებით სოფელ ყულევის მოსახლეობა შეადგენს 359 ადამიანს. სოფელ ყულევთან არსებობს ყულევის ნავთობ-ტერმინალი. სოფელი ყულევი ექვემდებარება საქართველოს საპატრიარქოს ფოთისა და ხობის ეპარქიას.