მეგრულ-ქართული
მეგრულ-ქართული სულ სხვა ხიბლია
და დაფარულის არ ძალმიძს არ თქმა,
ის არის ჩემი სულის ბიბლია
ჩემი ძველი და ახალი აღთქმა.
აზრი მჩქეფარე, როგორც ენგური,
რუსთველის სიბრძნით გავიმარტვილე,
მიწის სიღრმეში ჩამრჩა მეგრული
ხმა უძველესი და წარმართული.
საითაც გაქრნენ ხსოვნის მერცხლები,
მტრებიც იმ გზებით შემომესია
და შენ თუ ფეხქვეშ გამომეცლები,
დავიღუპები აქილევსივით.
დააფიქსირეთ თქვენი აზრი