ბესარიონ ქირია მეტად მრავალმხრივი და საინტერესო მოღვაწე იყო. სრულად ახალგაზრდა 22 წლისა იღებდა აქტიურ მონაწილეობას 1924 წლის აჯანყებაში, იყო სოფელ აბასთუმნის შეიარაღებული რაზმის მეთაური. შემდგომ ეწეოდა პედაგოგიურ და სამეცნიერო მოღვაწეობას. ის იყო თაოსანი ცაიშში იონა მეუნარგიას მუზეუმის დაარსებისა, დიდი იყო მისი წვლილი ხობში კოლხეთის ათვისების მუზეუმის შექმნაში. მის მიერ მოძიებული ეთნოგრაფიული ხასიათის მასალების ნაწილი დაცულია ხეთის საბრძოლო დიდებისა და მხარეთმცოდნეობის მუზეუმში.