რკალი
რკალ-ი (რკალისა) 1. წრეხაზის მონაკვეთი ან მრუდი ხაზის ნაწილი, რომელიც ორ წერტილს შორის არის მოქცეული. [ავტობუსი] მიქროდა... რკალივით მოხვეულ შარაგზაზე (დ. სულ.). გორაზე ამართულა ციხე, რომელიც მთელ გორას რკალივით გარე შემორტყმია (ს. მგალობ.). 2. გადატ. გარემოცვა, ალყა. ქვეგანაყოფი მტრის რკალში მოექცა (დ. ბაქრ.). დაყოვნება აღარ შეიძლებოდა, ქუთაისი თანდათან ცეცხლის რკალში ექცეოდა (რ. გვეტ.). სხვადასხვა მხრიდან წამოსულმა რაზმებმა არსენას ბანაკის ირგვლივ შეჰკრეს რკალი (მ. ჯავახ.). ◊ ვოლტას რკალი ფიზ. ნახშირის ან ლითონის ელექტროდებს შორის ელექტროდენის ხანგრძლივი გავლა გაზში, რის დროსაც ვითარდება მაღალი ტემპერატურა და წარმოიშვება კაშკაშა სინათლე [იტალიელი ფიზიკოსის ვოლტას გვარის მიხედვით].
დააფიქსირეთ თქვენი აზრი