ილორიშ ბრალი
I
ჯეგე, მარმალ გოხვეწჷქ,
სქანი მენჯორეში სქუა,
ვაგმანჭყორა, ვამომტუა,
ჯგირი მიჸი, მუთი ფთქუა.
ტერეფიშე სი დამირსხი,
გაჭირებას ვენომტუა,
ლერსი დუმოჭარაფე დო
მუმახვამი მუთი რთხუა.
ჩქიმ დუდიშო შხვა მუთუნი
მა ვამიღუ ოთხუალი,
ვართი შინი, ვართი ფარა,
ვართ ოშუმალ-ოჭკუმალი.
რთხორე სქანი ჯგირი დუცუ,
ქომუჩენი ფერი ნძალი,
გევოდგინათ თე ქიჸანა,
სოდეთ ნთხორჷ ბაბაშ ძვალი.
საონჯღოროთ მიოჩქუნა
მარგალური ჭარუა,
მუში ნინაშ მოღალატექ
დღასჷ ვეგეხარუა.
მიქ ოკონი მოგორას,
ჭარუას ვადებზარუა,
მიპირებუ სუსთი კოც,
ფართო შარაშ ხარუა.
გურცჷ მუჭო ვამონტუ,
ქიჸანას გეიშაბღურით.
რაგადის ვაბებდუთ,
თეში დებძაბუნით.
ვარა მუსჷ აკეთენცჷ,
ვნარღენდათჷ გურით.
დღას მუთუნი ვაკეთებე
დონჯირა დო ლურით.
ქორე ბორჯი ქოფთქუათჷ
მუთ მიღუნა გურცუნი,
კოლო ოკო ვეფხვარათ,
სოდე ჰამო გურცუნი.
ქიჸანას ქეშუოტყვინუათ,
ჩქინ ზისხირი ფუნცუნი,
წუმოდგინას ვაპირენთ -
იპტალენთჷ ლურცუნი.
II
ბადიდიქ ქუმორთუ დო
ქჷდოდოხოდ ჭიჭე შორცჷ,
ფრიმულ თჷრიცალო აფუ,
ჩე მუნუხე ცალი თოლცჷ.
ართი ძღაბი მოჸუნცუნი,
მი სო ძირჷნც იში ტოლცჷ?
თოლეფც ჩხორია ელმუცენც,
ღვანწკეფ ვარდიშორო პონცჷ.
ალ–დაჩხჷრცჷ გოირჩქინანც
ართი თიში ინოჯინა;
დეხოლენი, დიჭუუქუ,
უჯგუ ხოლო იშო ნტინა!..
ალბეთ სისქვამეში ღორონც
მოწყინაფუ ცასჷ რინა,
ქიჸანაშა გიმულებუ,
გუკეთებუ თაქი ბინა;
ძარწუფაშა უგჷ ლეშქვი,
სპილოშ ძვალშა - კიბირი,
ახალ აგვიგვილებური
დო პიკვალი კიდირი;
ოჭიშისჷ გიაშხვართჷ,
სირმა–თუმა შიბირი;
ეცალიში მაძირაფუ
დიო ვარე ინგირი.
მუჭოთ ვარდის ჭუჭელი
მაჸალეთჷ ვარგჷნი,
მაგნოლიაშ სქვამი პირც
თხუმუშ ხვიხვილ ვაგჷნი,
რუმე ვაგჷ სინთესჷნი,
ვართი ზოთონც - აფუნი,
ესჷთ ვაგჷ შხვა ძღაბეფი
თაქი ეკიფაფუნი.
ათე ძღაბი ქოძირეს,
არძაქ ქიმიოტუ ბირა,
არძო თისჷ გაღობუ,
მუში ბოში, მუში ცირა...
1912 წ.
ჯეგე, მარმალ გოხვეწჷქ,
სქანი მენჯორეში სქუა,
ვაგმანჭყორა, ვამომტუა,
ჯგირი მიჸი, მუთი ფთქუა.
ტერეფიშე სი დამირსხი,
გაჭირებას ვენომტუა,
ლერსი დუმოჭარაფე დო
მუმახვამი მუთი რთხუა.
ჩქიმ დუდიშო შხვა მუთუნი
მა ვამიღუ ოთხუალი,
ვართი შინი, ვართი ფარა,
ვართ ოშუმალ-ოჭკუმალი.
რთხორე სქანი ჯგირი დუცუ,
ქომუჩენი ფერი ნძალი,
გევოდგინათ თე ქიჸანა,
სოდეთ ნთხორჷ ბაბაშ ძვალი.
საონჯღოროთ მიოჩქუნა
მარგალური ჭარუა,
მუში ნინაშ მოღალატექ
დღასჷ ვეგეხარუა.
მიქ ოკონი მოგორას,
ჭარუას ვადებზარუა,
მიპირებუ სუსთი კოც,
ფართო შარაშ ხარუა.
გურცჷ მუჭო ვამონტუ,
ქიჸანას გეიშაბღურით.
რაგადის ვაბებდუთ,
თეში დებძაბუნით.
ვარა მუსჷ აკეთენცჷ,
ვნარღენდათჷ გურით.
დღას მუთუნი ვაკეთებე
დონჯირა დო ლურით.
ქორე ბორჯი ქოფთქუათჷ
მუთ მიღუნა გურცუნი,
კოლო ოკო ვეფხვარათ,
სოდე ჰამო გურცუნი.
ქიჸანას ქეშუოტყვინუათ,
ჩქინ ზისხირი ფუნცუნი,
წუმოდგინას ვაპირენთ -
იპტალენთჷ ლურცუნი.
II
ბადიდიქ ქუმორთუ დო
ქჷდოდოხოდ ჭიჭე შორცჷ,
ფრიმულ თჷრიცალო აფუ,
ჩე მუნუხე ცალი თოლცჷ.
ართი ძღაბი მოჸუნცუნი,
მი სო ძირჷნც იში ტოლცჷ?
თოლეფც ჩხორია ელმუცენც,
ღვანწკეფ ვარდიშორო პონცჷ.
ალ–დაჩხჷრცჷ გოირჩქინანც
ართი თიში ინოჯინა;
დეხოლენი, დიჭუუქუ,
უჯგუ ხოლო იშო ნტინა!..
ალბეთ სისქვამეში ღორონც
მოწყინაფუ ცასჷ რინა,
ქიჸანაშა გიმულებუ,
გუკეთებუ თაქი ბინა;
ძარწუფაშა უგჷ ლეშქვი,
სპილოშ ძვალშა - კიბირი,
ახალ აგვიგვილებური
დო პიკვალი კიდირი;
ოჭიშისჷ გიაშხვართჷ,
სირმა–თუმა შიბირი;
ეცალიში მაძირაფუ
დიო ვარე ინგირი.
მუჭოთ ვარდის ჭუჭელი
მაჸალეთჷ ვარგჷნი,
მაგნოლიაშ სქვამი პირც
თხუმუშ ხვიხვილ ვაგჷნი,
რუმე ვაგჷ სინთესჷნი,
ვართი ზოთონც - აფუნი,
ესჷთ ვაგჷ შხვა ძღაბეფი
თაქი ეკიფაფუნი.
ათე ძღაბი ქოძირეს,
არძაქ ქიმიოტუ ბირა,
არძო თისჷ გაღობუ,
მუში ბოში, მუში ცირა...
1912 წ.
დააფიქსირეთ თქვენი აზრი