სამარგალოშ ნაშქასერს
თუთას უცენს ვარჩხილეფ-.
დოლო მარდუშ მასიმერ-,
იკარკალნა ვერჩხილეფ-.
არიკეფი მიშატყობ
დოფა-დაჩხირ ფანილემს,
ჭყონონიში ტებენეს
მითონათუნს ფაშქუნჩეფი.
დიასქურიშ ინიგირს
ილასირუ ლაზურეფი,
მიკახორცქუ კოდმე-ტკილს
ეკიმალუ ქვითორეფი
ორთვალემსუ ყინიშელს
გილახენა ჭარუეფი,
გასოფუნა ჟინიშის
აგაგა დო ორუეფი.
სერგეგიაშ ნანიშოლს
ისასუნა ისირეფი,
მელანიში ელიშორს
წყემიშ ორქი იხვიებ.
ეუკუნანქი, თუთა რენ დო
დუკუნანქი – ტუტა რე.
მურე ოჩქვანს თუთაშფერო,
დიხას შხვაშო ტუტაშფერს?..
скачать шаблон для dle скачать бесплатно фильмы