უკან დაბრუნება
განცხადებები
ორქოში ჸუდე
11-09-2016, 23:18
ნანახია: 1271
გაუზიარე სტატია მეგობარს


ართი ხენწჷფეს, მიკოკაკილც,
ირფელამო კიუტის,
შხვაში რჩევაში მებრანწიეს,
მუში არზიში ჯიუტის.
ღმალა ნებას არზენდჷ დო
გინოჭყვიდჷ მუში გურცუ,
დღას ვაუძირუდასი მითინი რჯულცუ.
ხუროს უზოჯჷ: „მალას გაკეთი
წუწელი ორქოში ართი ჸუდე,
თეში ნამდა ართი თუთაშა
ოჯახამო მინმუურდე“.
„–შხვადო ვარენი ფერი აკეთათ
ვეჸიი ბრელი გასაკვირი,
მარა წუწელი ორქოში ჸუდე
ვერგჷ, დამიჯერით, თქვანი ჭირი.
ორქო ძვირფასი ორე, მარა
ლჷბუ ორე დიდი მონკა,
ვერგუ იში ორტყაფუ, სანთა, ბოყვი,
ვართი კაკუტი დო ვართი ომპა.
ვართი ღულერი, ვართი ოსხჷრი
ქილიქი ართიანც გამახორცქჷ,
შურო ვერგჷნი ლანდა, დირე
დოდირკჷ, დოღუზუ, გეგლახორცქჷ.
საშიში იჸიი იში კამარა,
იში სჷმეტი დო ბოლკონი,
უკათუათ, თქვან ჭირი, რკინა
იშენი იჸუაფუ მუთი გოკონი.
ვარა ჸუდე აკეთით
გოჭკადილი ორქოთ გალე,
მაჟრა თიზმა ახარჯით
გაჭკადალო დინახალე.“
„–აბა, პჸოფექ მა გჷრჷნი.
დო სი ჸოფექ ჩქიმდე ჭკვერი,
მუთი გიზოჯინი არსული მალას,
სქანო თაში უჯგუ, დამიჯერი!“
ხუროქ ქიგიორღუ ჭკადუეფი,
ოჭკადაფუ იქ მასალა
დო გაკეთ ორქოში ჸუდე
ვითი ოთახ დო ართი დიდი ზალა
ხენწჷფექ მინილ ხეთეხოლო
დო ქოქიმინ დიდი რხინი,
ანწი თის ფირქენც დღას ველიებუ
იში სახელი დო იში შინი.
ქიმიოკუსუ ორქოში ჸუდექ,
დიხჷლონძუუ, დიძანძუუ,
ოკოციუ დო შქას გოსჷროტ
მიქ თაში თინა გჷმანწყუუ.
მაზოჯალი ბრელიშ მჷრთჷნი
ირო რდჷ დო იჸუაფუ,
მაზოჯალიში უბედური ბედი
მუში ზოჯუათ ინწყუაფუ
რჩქინელი რჩევაში მეჯიუტეს
ბოლო ონგარალი აფუ,
ირო ის დუცუ ქჷმნატჷრხჷ
მუში ჸურუ ჭკუათ მუთი უგაფუ. скачать шаблон для dle скачать бесплатно фильмы

დააფიქსირეთ თქვენი აზრი