რუხიშ ჯიხა
რაგადანა ოცარცეს ორქოშ ჯაჭვი გობუდუა,
იწკჷმა სუკის რუხიშ ორქოშ წყარი მოფუნდუა.
ორქოშ ჩხომეფ ინოხედეს, ქუას ორქო გოძჷდუა,
ოხვეტალო, ქვიშაშ გამათ, ალმას ინოსორგჷდუა;
ედემიში ჯალეფ, პირეფ ათე სუკის ფორჷნდუა,
ორქოშ ცურუ დო ფუთქური თექიან ჯალემც მოსჷნდუა;
თიწკჷმა ორდჷ ორქოშ დრო დო თე სუკჲ თი დროს ოსქუდუა.
ბჟა უძირაფ ცირა მიშჷნ, ლომი დო ჸილო მოჸუნდუა,
იაგუნდი, მარგალიტი ის ტანც კაბათ გოქუნდუა,
ხჷლონძირი ორქოშ თუმა წყურკუჩხიშა ონჭჷდუა,
ბჟა დო თუთა შაყარელცჷ იში სისქვამე ორუდუა,
პიჯშე ორქო ეკმუცენდჷ, თოლშე ნექტარც ობუნდუა,
ირ კოჩიშ გურიშ სიხვამარდეთ ალჷსამეთის წონჷნდუა,
ორქოშ სჷმეტეფც ოშქვანდჷ დო ორქოშ სირმათ ღობუნდუა.
ჟიშე ცაშ კარი ინჯამუდუ, სინთე თევრე ჩხორჷნდუა;
მუთი დაჭირდჷდ ის ექინი ხე უძირაფ თორსჷნდუა;
ბედიშ ჸუდეს აშენენდჷ, ის ჟი ლალით მორთუნდუა;
ზურმუხტით კვანწილ კჷდას ია–ვარდით ფორჩუნდუა,
იადონიშ ბირათ ინა მუში საქვარც ორთჷდუა;
მუთუნქ სარხოს დილანტჷკონ, ლომი დო ჸილო თხოზუდუა.
რაგადანა თელ ქიჸანას დღას ვარდუა თეცალი დიხა,
ჩქჷნი ჯვეშისჷ თე სუკიშა ქიგუდგჷმუ რუხიშ ჯიხა.
იწკჷმა სუკის რუხიშ ორქოშ წყარი მოფუნდუა.
ორქოშ ჩხომეფ ინოხედეს, ქუას ორქო გოძჷდუა,
ოხვეტალო, ქვიშაშ გამათ, ალმას ინოსორგჷდუა;
ედემიში ჯალეფ, პირეფ ათე სუკის ფორჷნდუა,
ორქოშ ცურუ დო ფუთქური თექიან ჯალემც მოსჷნდუა;
თიწკჷმა ორდჷ ორქოშ დრო დო თე სუკჲ თი დროს ოსქუდუა.
ბჟა უძირაფ ცირა მიშჷნ, ლომი დო ჸილო მოჸუნდუა,
იაგუნდი, მარგალიტი ის ტანც კაბათ გოქუნდუა,
ხჷლონძირი ორქოშ თუმა წყურკუჩხიშა ონჭჷდუა,
ბჟა დო თუთა შაყარელცჷ იში სისქვამე ორუდუა,
პიჯშე ორქო ეკმუცენდჷ, თოლშე ნექტარც ობუნდუა,
ირ კოჩიშ გურიშ სიხვამარდეთ ალჷსამეთის წონჷნდუა,
ორქოშ სჷმეტეფც ოშქვანდჷ დო ორქოშ სირმათ ღობუნდუა.
ჟიშე ცაშ კარი ინჯამუდუ, სინთე თევრე ჩხორჷნდუა;
მუთი დაჭირდჷდ ის ექინი ხე უძირაფ თორსჷნდუა;
ბედიშ ჸუდეს აშენენდჷ, ის ჟი ლალით მორთუნდუა;
ზურმუხტით კვანწილ კჷდას ია–ვარდით ფორჩუნდუა,
იადონიშ ბირათ ინა მუში საქვარც ორთჷდუა;
მუთუნქ სარხოს დილანტჷკონ, ლომი დო ჸილო თხოზუდუა.
რაგადანა თელ ქიჸანას დღას ვარდუა თეცალი დიხა,
ჩქჷნი ჯვეშისჷ თე სუკიშა ქიგუდგჷმუ რუხიშ ჯიხა.
დააფიქსირეთ თქვენი აზრი